Autismoa eta beste Hezkuntza Premia Bereziak
dituzten haurren familiei laguntza
Autismoa edo neurogarapenaren beste baldintzaren bat duen haur batek ikaskuntzaren erronkei aurre egin behar dienean, erronka ez da berea bakarrik. Familiarena, gurasoena, hezitzaileena eta inguruko beste pertsona batzuena ere bada, komunikatzeko eta haurra era egoki batean gidatzeko jarraibideak ikastea premiazkoa da.
Ez zaudete bakarrik. ABA Euskadin oso kontuan hartzen dugu behar hori: ez dugu ikasleekin bakarrik lan egiten, familiekin ere bai, zuen burua ahalduntzeko eta zuen egunerokotasuneko bizi-kalitate hobea lortzen laguntzeko.
Haurraren ezaugarriak…
Zuen seme-alabaren ingurune naturala lehenetsiz diseinatzen ditugu estrategiak eta inplementatzen ditugu irakaskuntza-programak. Hau da, bere etxea eta familia-testuingurua.
Tresnak eta estrategiak erabiltzen ikasten joan zaitezten eta zuen seme-alaben indarguneak indartzeko aukera emango dizueten trebetasunak eskura ditzazuen. Zuen seme edo alabak ikaskuntzan aurrera egiten duen heinean, haien garapenari eta hezkuntzari aurre egiterako orduan hain maiz erasotzen zaituzten oztopo, beldur eta segurtasun falta horiek zuek ere gainditu ditzazuen laguntzen dizuegu.
Gure prozesu terapeutiko guztia ABAn espezializatutako profesional ziurtatuen laguntzarekin egiten da. Profesional horiek ikaskuntza-jarraibideak diseinatzeaz eta haurraren testuinguru naturalean esku hartzen irakasteaz arduratzen dira. Jarraibideak aldian-aldian ezarri eta eguneratzen dira, betiere zuen eta zuen seme-alaben beharrak eta lehentasunak kontuan harturik.